تحسينالمتجر والتصميم
صلاحية للنقاط، منع تجميع الخصومات، نسخة كاملة من بياناتك، وقراءة أوّل صفحات EPUB
صار فيك تحدّد مدّة صلاحية لنقاط الولاء وأقلّ مبلغ طلب بيكسب أو بيصرف نقاط، وتمنع تجميع الكوبون مع خصم العضوية أو صرف النقاط على طلب مخصوم. ورقم عملية شام كاش ما عاد بينقبل بطلبين، وصار فيك تنزّل نسخة كاملة من بيانات متجرك بملف Excel واحد، وتحدّد عدد صفحات لكتب EPUB متل PDF.
باختصار
- النقاط بتنتهي بعد عدد أيام بتحدّده، الأقدم أوّلاً — أو ما بتنتهي أبداً متل قبل.
- أقلّ مبلغ طلب بيكسب نقاط، وأقلّ مبلغ بينصرف عليه نقاط.
- خصم العضوية مع الكوبون: يا بيجتمعوا، يا الأكبر بينطبق. والنقاط فيك تمنعها على الطلب المخصوم.
- نسخة كاملة من بياناتك بملف Excel، وتصدير العضويات وحركات النقاط، وقراءة أوّل صفحات EPUB بس.
- متاح في
- النقاط والعضويات والكتب الرقمية بالباقة الاحترافية (ومفتوحة بالتجربة). التصدير لكل الباقات.
- تجدها في
- لوحة التحكم ← «الرقمي والنقاط» ← «النقاط»، والإعدادات ← «نسخة كاملة من بياناتك»
صلاحية النقاط وشروطها
من «الرقمي والنقاط ← النقاط» بتحدّد بعد كم يوم بتنتهي النقاط من يوم ما انكسبت. كل ليلة النقاط اللي خلصت مدّتها بتنشطب، والنقاط اللي الزبون صرفها بتنحسب من الأقدم، فما بينشطب إلا اللي فعلاً ضلّ من الدفعة القديمة. وكل شطب إله سطر بسجلّ الزبون. وكمان بتحدّد أقلّ مبلغ طلب بيكسب نقاط، وأقلّ مبلغ طلب بينصرف عليه نقاط.
تجميع الخصومات
إذا ما بدّك الكوبون ينجمع مع خصم العضوية، شيل علامة «بينجمع» — وقتها الزبون بياخد الخصم الأكبر منهن بس. وفيك تمنع صرف النقاط على أي طلب فيه كوبون أو خصم عضوية، والزبون بيشوف السبب بصفحة الدفع.
رقم العملية ما بيتكرّر
رقم عملية شام كاش اللي انكتب بطلب بمتجرك ما عاد بينقبل بطلب تاني، حتى لو انكتب بمسافات أو بأرقام عربية. وإذا الطلب الأوّل انلغى، الرقم بيرجع ينقبل.
نسخة كاملة من بياناتك
من الإعدادات ← «نسخة كاملة من بياناتك» بتنزّل ملف Excel واحد فيه طلباتك وبنودها، زبائنك، منتجاتك، العضويات، حركات النقاط، والتسليمات الرقمية. ومن «الرقمي والنقاط» بتصدّر العضويات وحركات النقاط لحالهن. التصدير مفتوح لكل الباقات.
أوّل صفحات EPUB بس
تحديد «قراءة أوّل كم صفحة» صار يشتغل على كتب EPUB متل PDF: السيرفر بيقصّ الكتاب وبيبعت أوّل الصفحات بس، والصفحة بالـEPUB حوالي ١٥٠٠ حرف. الفصول اللي بعد الحدّ بتنشال من الملف ومن الفهرس، فالكتاب الكامل ما بيوصل للمتصفّح.
الكتب الرقمية والنقاط بالباقة الاحترافية
المنتجات الرقمية والعضويات ونقاط الولاء وتأكيد شام كاش التلقائي والربط البرمجي صاروا بالباقة الاحترافية، ومفتوحين كاملين بفترة التجربة. واللي انباع قبل محفوظ: الزبون بيضلّ يوصل لكتبه وعضويته، والتاجر بيخدم الطلبات القديمة من صفحة الطلب.